На Боки 13 му се влошило здравјето, во болница е и може да му прават операција
Бојан Јовановски, познат како Боки 13, осуден во случајот „Рекет“, е хоспитализиран во Градската болница „Св. Наум Охридски“ објави „А1он“. Лекарите размислуваат да г ооперираат поради влошената здравствена состојба, тврди неговиот адвокат Сашо Дуковски.
Јовановски има хронични здравствени проблеми со желудникот, а ова не е првпат од затвор да биде префрлен и задржан на болничко лекување.
Од полуотвореното одделение, каде беше сместен по пресудата, сега, по издржување на скоро половина од казната – тој е преместен во затворениот дел на затворот, односно старата зграда.
Директорот Шпенд Тахири одлуката за преместување ја донел само четири дена откако беше поставен на функцијата, но ниту на Јовановски, ниту на адвокатскиот тим, не им ги кажал причините, објави претходно А1 он.