Најпознатиот американски спортски аналитичар Стивен Еј Смит ја коментираше одлуката на „УС Опен“ да го исфрли првиот светски рекет од турнирот.

Најдобриот светски тенисер Новак Ѓоковиќ без никаква намера со топчето погоди во вратот на линиска судијка и на тој начин ја доживеа дисквалификацијата.

– Новак случајно го погоди линискиот судија, тој дури и не погледна. Имаме глобална пандемија во моментов, каде што имате луѓе кои дури и не сакаа да учествуваат. А го имаме еден од најдобрите светски играчи, кој дојде да учествува кога тој не мораше. И бидејќи тој згреши, вие го исфрлате и го праќате дома во суштина. Вие мора да се шегувате. Вие мора да се шегувате! – рече Стивен Еј Смит.

Главниот судија ја објасни дисквалификацијата на Ѓоковиќ

Спортскиот аналитичар воедно смета дека можеше многу едноставно да се донесе одлука за мечот:

– Јасно е дека тоа не е намерно. Казнете го со одземање на поени, сет… Но, да го испратите дома? Мислам дека тоа беше неверојатно несреќно и мислам дека тоа беше и штета за љубителите на тенисот насекаде. Дали го гледавте тенисот? Можете ли да наведете тројца играчи кои би сакале да ги гледате пред него? Особено за време на пандемија? Имам проблем со тоа! Запрете го мечот, обрнете внимание на тоа и оставете ги да се вратат следниот ден да играат. Сакам да го гледам еден од најдобрите тенисери. Доколку тоа беше намерно, секако дека и јас би бил за да го исфрлат од турнирот. Но, случајно? Случајно! – додаде Еј Смит.