Додека Американците полимизираат за многу аспекти на личноста и кариерата на Доналд Трамп и неговата сопруга, едно на Меланија не може да и се оспори – таа е една од најдобро облечените први дами во историјата.

Пред Белата куќа беше одржана четвртата ноќ од Републиканската национална конвенција, на која Доналд Трамп ја прифати кандидатурата од Републисканската партија за нов мандат.

Сите погледи, сепак, и покрај Трамп и неговите ќерки Иванка и Тифани, беа вперени во американската прва дама, која оваа вечер се појави во една од најдобрите модни комбинации во која досега сме ја виделе.

Педесетгодишната Меланија, имено, ги воодушеви сите појавувајќи се во фустан од модната ќука Валентино, и тоа во модел со боја на лимета кој може да се опише само со еден збор – величествен.

Станува збор за плисирана тоалета, затворена околу вратот, без ракави, пресечена под градите, и украсена со многу ефектен црвен кожен ремен.

Како што пишува британскиот „Express“, цената на овој фустан изнесува вртоглави 3.250 фунти, односно повеќе од 4.300 американски долари.