Министерство за земјоделство: Очекуваме забраната за извоз на масло за јадење да биде укината од Србија
По веста што предизвика загриженост во јавноста дека Србија не ја укина забраната за извоз на нерафинирано и рафинирано масло за јадење за Македонија, од Министерството за земјоделство смируваат дека е разговарано со српската влада и дека се очекува укинување на забраната во текот на неделава.
– Во врска со одлуката на Република Србија за забраната и за Северна Македонија за извоз на нерафинирано и рафинирано масло за јадење, министерот за земјоделство, шумарство и водостопанство, Љупчо Николовски, телефонски разговараше со потпретседателот на Владата на Р. Србија, Бранислав Недимовиќ, од кого беше информиран дека се работи и на одлуката за укинување на забраната за извоз на нерафинирано и рафинирано масло за јадење, и таа се очекува да се донесе следната недела – изјавија од Министерството за земјоделство.
Во Македонија најголем производител на рафинирано од нерафинирано сончогледово масло за јадење е фабриката „Брилијант“ и компанијата бара нови добавувачи, се разговара со Украина, Бугарија, Унгарија…
И компанијата „Благој Ѓорев“ произведува масло за јадење, но од сончоглед, а не од нерафинирано масло. Делумно, производството е од домашен сончоглед, но мал дел. Комапнијата со години нуди семе и договорно производство, но нема доволно заинтересирани земјоделци за одгледување на сончоглед