Македонскиот интернационалец Стефан Ристовски би можел да направи нов чекор во својата кариера, откако српските медиуми објавија дека би можел да се пресели во Нови Пазар.

Според информациите, десниот бек на Сараево се наоѓа високо на листата на желби на српскиот суперлигаш, кој работи на засилување на тимот пред продолжението од сезоната.

Дополнителни шпекулации предизвикаа и тврдењата дека Ристовски би можел да пристигне во Нови Пазар заедно со искусниот офанзивец Адем Љајиќ. Локалните медиуми пишуваат дека двајцата биле забележани во градот, што веднаш ги поттикна гласините дека договорите се во завршна фаза.

Ристовски во редовите на Сараево пристигна минатото лето и брзо се наметна како еден од клучните играчи. Во досегашниот дел од престојот во босанскиот клуб одигра 36 натпревари, постигна три гола и забележа една асистенција.

Арсенал не се шегува, сака да го има трансферот на летото

ВИДЕО | Фудбалерка во Бразил среде натпревар шутираше противничка во глава