Иднината на Винисиус Жуниор во Реал Мадрид повторно е во центарот на вниманието, а англиските медиуми тврдат дека Арсенал внимателно ја следи ситуацијата околу бразилската ѕвезда.

Според „Атлетик“, лондонскиот клуб би можел да тргне по потписот на Винисиус доколку не биде постигнат договор за продолжување на соработката со Реал Мадрид. Иако засега нема официјални контакти меѓу двата клуба, интересот на Арсенал е сериозен и, како што се наведува, идејата за негов ангажман има поддршка од сите клучни структури во клубот.

Дополнителна неизвесност создава фактот што Винисиус влезе во последната година од актуелниот договор со „кралскиот клуб“. Во шпанските медиуми денеска се појавија информации дека преговорите за нова соработка се соочуваат со финансиски несогласувања, што ги поттикна шпекулациите за можен трансфер.

Бразилскиот репрезентативец досега има одиграно значајна улога во успесите на Реал Мадрид, а во дресот на шпанскиот гигант постигна 128 голови во сите официјални натпреварувања. Токму затоа, евентуалното заминување на Винисиус би претставувало една од најголемите трансфер-саги во европскиот фудбал.

🚨 EXCL: Arsenal exploring move to sign Vinicius Junior from Real Madrid. #AFC interest early stage + clubs not yet in talks but idea approved at all levels. Much rests on contract process as no breakthrough yet & #RMFC do not want free exit @TheAthleticFC https://t.co/qYdS5vlfE6

— David Ornstein (@David_Ornstein) July 25, 2026