Со денешната посета на високата делегација на Светската пливачка федерација ФИНА и Европската пливачка федерација ЛЕН, се даде безрезервна подршка на актуелното раководство на Националната пливачка федерација на Македонија.

Потпретседателот на ЛЕН, Јосип Варводиќ, кој воедно е член на ФИНА оствари средби со Претседателот на Република Северна Македонија, Стево Пендаровски и Претседателот на Олимпискиот комитет на Северна Македонија, Даниел Димевски.

Се изрази јасната подршка и спремност да се помогне во изнаоѓање на решение за средување на состојбите во пливањето во Македонија.

Воедно Варводиќ нагласи дека прва работа е заедничко решавање на надворешниот долг на Федерацијата кон ФИНА при што изрази спремност и подршка за одредни проекти кои би се реализирале во текот на наредната година.

– Благодарност до ФИНА и Европската пливачка федерација ЛЕН за подршката и искреното пријателство – пренесуваат од Националната пливачката федерација на Македонија.