Сопругата на принцот Вилијам, Кејт Мидлтон (38) ужива големо почитување од јавноста и останатите членови од кралското семејство, а големи симпатии има и кај кралицата Елизабета (93), бабата на нејзиниот сопруг, принцот Вилијам (37).

Меѓутоа, иако сега се чини дека во нивниот однос се е идеално, тоа не беше случај пред Кејт да му стане сопруга на принцот и војвотка од Кембриџ.

Како што пишува британскиот „Express”, војвотката од Кембриџ денес работи толку напорно па токму поради тоа многу ослабела и со тоа ги загрижува најблиските, а некогаш кралицата за неа говореше дека е мрзлива.

– Кејт му беше девојка на Вилијам одум или девет години пред да се верат и венчаат, изјави портпаролот на кралското семејство Фил Дампие за овој сајт.

– Во еден период делуваше дека работи многу малку. Кралицата еднаш спомна дека Кејт не работи премногу, поради што верувам дека се одложи толку нејзиното влегување во кралското семејство.

Овој коментар на кралицата беше повод принцот Вилијам на својата сопруга да и даде интересен прекар, „Duchess of Dolittle”, што грубо преведено значи Војвотка од Малку работа.