Ковчегот во кој ќе биде погребан принцот Филип е направен пред 30 години: Еве зошто тој е обложен со олово

EPA
Фото: EPA-EFE/WILL OLIVER

Принцот Филип, сопругот на кралицата Елизабета Втора, ќе биде погребан во сабота на 17 април, а поради корона мерките, на погребот ќе смеат да присуствуваат само 30 луѓе.

Медиумите пренесуваат дека принцот Филип ќе биде погребан во дабов ковчег, кој ќе биде обложен со олово и кој специјално е направен за него пред повеќе од 30 години. Британскиот Метро пишува дека е обичај членовите на кралското семејство да бидат погребани во ковчег обложен со олово, бидејќи оловото би требало да помогне телото да се сочува од пропаѓање.

 

View this post on Instagram

 

A post shared by The Royal Family (@theroyalfamily)


Имено, телото во ваквиот ковчег може да се сочува и до една година бидејќи е херметички затворено и до него не може да продре влагата. Во времето кога за принцот Филип бил изработен ковчегот, истовремено е дизајниран и соодветен ковчег и за кралицата.

 

View this post on Instagram

 

A post shared by The Royal Family (@theroyalfamily)


Вредно е да се спомене дека и ковчегот на принцезата Дијана тежел четвртина тон, поради тоа што и тој бил обложен со олово, според кралските протоколи.

Инаку, желбата на принцот Филип била од неговиот погреб да не се прави голема церемонија која ќе биде исполнета со „преголема помпа“. Кралицата ќе ја исполни неговата желба, а ковчегот со неговото тело на последното почивалиште ќе биде испратен со „роверот“ кој сам го составил.

Принцот Филип почина на 9 април на 99 годишна возраст.

ВИДЕО | За племето од островот Тана принцот Филип бил Бог: Смртта на војводата од Единбург ќе ја одбележат со посебни ритуали

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот