Дека животот во големите светски метрополи не секогаш го нуди она што е најважно за едно безгрижно детство, доказ е едно прекрасно видео кое деновиве стана вирално на социјалните мрежи. Едно семејство ја заменило светската престолнина на забавата, Лас Вегас, со малото и мирно македонско гратче Виница, а нивната 11-годишна ќерка најдобро објаснува зошто оваа промена е вистински погодок.

Во опуштен разговор на Инстаграм, мајката Инга Мцева (41) ја прашува својата ќерка како се навикнала на новата средина и која е најголемата разлика меѓу животот во САД и Македонија. Одговорот на девојчето е едноставен, но во исто време и моќен потсетник за вредностите што често ги земаме здраво за готово „слободата и безбедноста“.

На прашањето на мајката: „Која е разликата меѓу, Лас Вегас и Виница, ќерката одговори дека и се допаѓа тоа што во „Виница може едноставно слободно да се шета наоколу“.

 

View this post on Instagram

 

A post shared by Inga Miceva (@isolda9469)

Малите нешта што значат слобода

За децата што растат во Америка, идејата сами да отидат до маалската продавница или пеш да се вратат од училиште е вистинска реткост поради безбедносни причини и начинот на живот. Но, во Виница, ова мало девојче ужива во секојдневието на своите врсници.

Мајката во видеото додава дека е пресреќна што нејзината ќерка може сама да ги извршува најосновните работи во текот на денот.

„Мислам дека е кул и тоа што можеш сама да отидеш во продавница и да си земеш грицки или да си купиш нешто. Сама одиш на училиште, ми се допаѓа што сама пешачиш  и не мора јас да те носам и земам од училиште, туку едноставно сама одиш таму“, вели Инга.

Разговорот завршува со симпатичен и хумористичен тинејџерски коментар од ќерката, која низ смеа признава дека наместо преку главната капија на училиштето, таа претпочита „секој ден да се качува преку оградата“, уште еден доказ за независноста и детските палавштини кои го прават растењето тука незаборавно.

Ова вирално видео предизвика лавина од позитивни коментари. Многумина коментираат дека токму оваа безбедност, мирот и можноста децата да растат надвор, на улица со другарчиња, е најголемото богатство што Македонија сè уште им го нуди на семејствата.

„Само жалам што не сме сите на број“: Сопругата на Панчо со емотивна порака до синот на полуматурата