Нови луѓе се избрани во раководството на ВМРО-ДПМНЕ
Централниот комитет на владејачката ВМРО-ДПМНЕ вечерва избра тројца нови членови на највисокото тело на партијата, Извршниот комитет.
Препорачано
„Нови членови на ИК на ВМРО-ДПМНЕ се Миле Лефков, Бобан Стефковски и Зоранчо Јованчев. Миле Лефков е пратеник во македонското собрание, кој доаѓа од Кочани и претходно беше дел од извршниот комитет, искусен и докажан кадар на ВМРО-ДПМНЕ. Бобан Стефковски е актуелен градоначалник на општина Гази Баба, кој донесе историски најдобар резултат на ВМРО-ДПМНЕ како кандидат за градоначалник и претседател на општинскиот комитет. Човек од збор кој има реализирани голем број на проекти во интерес на граѓаните“, соопшти партијата.
„Зоранчо Јованчев е пратеник во собранието и поранешен претседател на ОК Кавадарци. Докажан кадар кој со своето искуство ќе придонесе кон нови победи на партијата. ВМРО-ДПМНЕ се реструктуира и реорганизира за да донесе нови успеси за Македонија“, додаваат од ВМРО-ДПМНЕ.
