Нема ниту еден преживен од екипажот на пакистански воен хеликоптер кој се урна во Кашмир, во делот контролиран од Пакистан. Војската соопшти дека дека се работи за „несреќа“ и за „техничка грешка“, објави Еуроњуз.

„Хеликоптер Ми-17 на пакистанските воздухопловни сили се урна денес во близина на Музафарабад за време на полетувањето поради техничка грешка“, се вели во соопштението на медиумското крило на војската.

Во соопштението не е наведен точниот број на жртви.

A Pakistan Army Mi-17 Helicopter (21st Squadron) has crashed in Muzaffarabad killing all the 21 Pakistani Rangers shortly after take-off earlier today. #helicopter pic.twitter.com/uEgBgxKj5Q

— FL360aero (@fl360aero) June 10, 2026

Според локалните информации, несреќата се случила во близина на Музафарабад, регионалниот главен град, за време на протест и штрајк организиран од Заедничкиот акционен комитет Авами, неодамна забранет сојуз на неколку групи.

Војската не соопшти дали несреќата е поврзана со протестите.

Истрага за несреќата

Сведоци изјавиле дека хеликоптерот се урнал кратко по полетувањето од хелиодромот.

„Екипите за спасување и закрепнување веднаш пристигнаа на местото на настанот“, соопштиле од војската.

Исто така, посочиле дека е наредена истрага за да се утврди точната причина за несреќата.

Ushtria pakistaneze: Një helikopter rrëzohet në Muzaffarabad, i gjithë personeli humbi jetën 🔗https://t.co/g678ACM4r2 pic.twitter.com/Mn4QA9F3m7

— Anadolu Shqip (@aa_albanian) June 10, 2026

Кашмир се смета за исклучително чувствителeн регион за пакистанската војска и влада поради долгогодишните чести вооружени судири и војни со Индија.

Се работи за регион со муслиманско мнозинство, кој во целост го присвојуваат и Индија и Пакистан, но е поделен меѓу двете земји уште од нивното стекнување независност од британската власт.

Пакистан го нападна Авганистан — загинаа најмалку 13 луѓе, меѓу кои 11 деца