Градоначалникот на општина Штип Иван Јорданов на вечерашната вонредна прес-конференција изјави дека нема простор за паника и дека се користат сите сили на противпожарната бригада за гаснење на пожарот кој изби над градот и се прошири на ридовите над штипските гробишта.

Јорданов информираше и дека побарал помош и од Свети Николе, Кочани и Кавадарци, а во контакт бил и со Дирекцијата за заштита и спасување и со Центарот за управување со кризи.

Планот на надлежните е да се направи појас, за пожарот да не се шири. Потезите ќе зависат од тоа како ќе се одвива ноќта и како ќе дува ветрот, кој претходно постојано го ширеше пожарот.

Според првичните информации, пожарот најверојатно е предизвикан од гром. Со огнената стихија се борат сите штипски пожарникари, со сите средства што ги имаат на располагање.

ВИДЕО | Гром предизвика огромен пожар над Штип, со стихијата која беснее вечерва се борат десетици пожарникари