На ТикТок неодамна се појави тренд во кој корисниците споделуваат што сакаат да слушнат за време на интимните моменти, но и што никако не треба да се изговори.

Сексуални терапевти и експерти за врски за „Тајла“ открија кои пет реченици најбрзо можат да ја уништат атмосферата, без разлика дали станува збор за долгогодишен партнер, нова врска или случајна романса.

„Ќе завршиш ли наскоро?“

Ова прашање испраќа јасна порака – дека попрво би биле на друго место.

„Прашањето дали партнерот е при крај може да направи да се чувствува под притисок, недоволно ценет или несигурен“, вели Анабел Најт, експерт за секс и врски.

Според неа, ваквиот притисок може да го отежне опуштањето и дури дополнително да го одложи достигнувањето оргазам.

„Зошто дишеш толку тешко?“

Сексот е физичка активност, а забрзаното дишење е сосема нормална реакција на телото.

„Подлабокото и побрзо дишење за време на секс е целосно нормално. Насочувањето внимание кон тоа може да создаде непотребна напнатост и да го наруши моментот“, објаснува сексуалната терапевтка Ли Норен.

Израз на гадење

Понекогаш не се потребни зборови за да се повреди некого.

Според експертите, изразот на лицето што покажува одбивност може да има уште посилен ефект од навредлив коментар.

„Во такви интимни моменти, ваквата реакција може веднаш да направи некој да се почувствува одбиен или непосакуван, што може да доведе до емоционална болка и нарушување на довербата“, предупредува Најт.

„Првпат ли ти е ова?“

Ова прашање ретко кога е добро примено.

„Тоа дефинитивно покажува дека не сте импресионирани“, вели Норен.

Експертите сметаат дека разговорите за сексуалното искуство треба да се водат пред интимниот однос, а не во текот на него.

„Нормално ли е толку да се потиш?“

Како и забрзаното дишење, потењето е природен дел од физичкиот напор.

„Тоа не е нешто што човек може да го контролира. Напротив, потењето покажува дека вложува енергија и труд“, објаснува Најт.

Таа додава дека коментирањето на нешто што некој не може да го промени само создава непријатност и несигурност.