Како да го спречите и излечите грипот и настинката со лековита исхрана

Во зимската сезона вирусите и грипот се вообичаени, еве како да се одбраниме од нив, почнувајќи од храната што ја консумираме.

Со зимската сезона, се зголемуваат шансите да се сретнеме со здодевната настинка, предизвикана од разните вируси што се наоколу.

Од античко време, ова заболување се лекувало на природен начин, понекогаш дури и со чудни лекови. Според античките Египќани, на пример, најдобриот лек бил да се пие мајчино млеко од мајка која родила машко дете. Денес пак, е познато дека одлична помош против настинки е витаминот Ц, но не само тој. За превенција од настинки, но и за лекување, неопходно е да се има соодветна исхрана. Некои видови на храна се вистински лек за настинки, бидејќи тие не само што го спречуваат вирусот, туку се и во можност да ги намалат симптомите.

Еве како да лекувате настинка преку исхрана.

Пилешка супа

Веројатно сте забележиле во американските филмови, дека протагонистите јадат пилешка супа кога се болни. Па, навистина така треба. Студијата објавена во Американскиот журнал за терапевтика (American Journal of Therapeutics) откри дека пилешката супа навистина има лековита моќ. Заслугата е на карнозинот, супстанција која се наоѓа во градите на кокошката, односно пилето, што помага во зајакнување на имунолошкиот систем и ублажување на симптомите на грип. Единствената маана е што придобивките се добиваат само кога супата поминува низ дигестивниот тракт, затоа би било подобро да се подготви во големи количини.

Прочитајте и...  Наоми Кемпбел сама и гола во подземна железница во Њујорк (ФОТО)

Моркови

Морковот е одлична намирница што треба да се јаде особено во постудените сезони. Богат е со витамини и минерали, кои играат важна улога во борбата против воспалението на бронхиите, фаринксот, грлото и дишникот. Морковите, ако се консумираат често, помагаат во спречување на сува кашлица. Исто така, ако веќе имате кашлица, консумирањето пире од морков ќе ви помогне значително да се ослободите од проблемот.

Морска риба

Конзумирањето риба, особено морска риба, е многу важно за подобрување на одбраната на нашиот имунолошки систем, бидејќи таа е богата со Омега 3 или полинезаситени масни киселини. Покрај тоа, морската риба е и лек за срцето, бидејќи ги штити артериите од мозочен и срцев удар. Морската риба е, исто така, богата со витамин Д, супстанција која може да се спротивстави на ширењето на вирусот, како и на микробите и бактериите во нашето тело. Витаминот Д е присутен само во храната од животинско потекло, затоа, доколку следите вегетаријанска или веганска диета, неопходно е да земате додатоци.

Прочитајте и...  Сонувавте дека летате? Еве ги сите значења на тој сон и сите се фасцинантни!

Киви

Кивито се смета за еден од најмоќните лекови против грип и настинка. Ова беше потврдено со истражувањето објавено во Британското списание на исхрана (British Journal of Nutrition) кое откри дека секојдневното консумирање киви не само што ги ублажува симптомите на грип, туку и го скратува времетраењето на болеста. Според оваа студија, заслугата треба да се припише на големата концентрација на еритроцити кои се во можност да го зголемат имунитетот на црвените крвни клетки.

Суво овошје

Сувото овошје, особено оревите, се растителна храна богата со цинк, минерал способен да ги забрза процесите на заздравување. Всушност, во минатото, било вообичаено да се дава на заболениот од грип, храна што содржи цинк, бидејќи помага да се врати силата и енергијата. Цинкот, сепак, не се наоѓа само во сувото овошје, туку и во друга храна, како што се џигерот и мешунките.

Прочитајте и...  Ниту цврстите гради без градник не успеаа да го тргнат вниманието од „изгужваниот“ стомак на Кејти Холмс! (ФОТО)

Тиква

Тиквата е храна богата со бета-каротин, супстанција која припаѓа на семејството на каротеноиди што телото ја преобразува во витамин А. – клучен во лекувањето на настинки. Витаминот А исто така придонесува за метаболизирање на железото, со што се обезбедува правилна оксигенација и правилно функционирање на сите метаболички системи, вклучително и имунолошкиот систем.

Брокула и карфиол

Не е само овошјето богато со витамин Ц, туку витамин Ц содржат и многу различни видови на зеленчук, како што се брокулата и карфиолот. Конзумирањето на витамин Ц е многу важно за правилно функционирање на имунолошкиот систем. Сепак, мора да се запомни дека за време на готвењето овој скапоцен витамин има тенденција да се „распадне“. Брокулата и карфиолот имаат и голема содржина на антиоксиданти, способни да се спротивстават на дегенеративното дејство на слободните радикали, одговорни за предвремено стареење и да ја стимулираат имунолошката одбрана што помага во заштитата на организмот од вируси и бактерии.

 

 

Прочитај повеќе

Наоми Кемпбел сама и гола во подземна железница во Њујорк (ФОТО)

Слободен печат

Шест знаци дека сте алергични на убод од комарец

Слободен печат

Канје Вест сака да биде претседател на Америка, Илон Маск го поддржа

Слободен печат

Зошто пациентите инфицирани со ковид-19 не чувствуваат мирис? Што е аносмија?

Слободен печат

Тијана Дапчевиќ ѝ се обрати на малата Тијана Дапчевиќ: Сите мисли ќе ти почнуваат со множина и зад секоја ќе стои љубовта

Слободен печат

Дневен хороскоп за 5 јули: Правете помали планови за да се изненадите од поголемите резултати

Слободен печат

Остави Коментар

Прочитај повеќе

Виц на денот: Нова Година

Слободен печат

Фобијата од пајаци никогаш не изгледала послатка: Погледнете како се борат со „ѕверот“ овие кученца (ВИДЕО)

Васко Спасоски

Најстарата мачка на светот почина на 31 години: Кога дојдов дома, ја немаше, сигурно заминала да умре!

Васко Спасоски

Почина Тесла, миленикот на Јелена и Новак Ѓоковиќ: Сопругата на најдобриот тенисер напиша емотивна порака! (ФОТО)

Васко Спасоски

Секогаш се фали со бујното деколте, но сега покажа нешто друго: Водителката Марјана Станојковска ги испровоцира фановите! (ФОТО)

Васко Спасоски

Папараците правеа пари на несреќниот живот на Ејми Вајнхаус, ова е искрена исповед на еден фотограф кој три дена ја бркал Ејми

Слободен печат