Израел: Истополовите парови ќе можат да имаат деца со помош на сурогат мајки

ЛГБТИ знаме/ Фото EPA-EFE/ROLEX DELA PENA

Израел ги укина ограничувањата со кои им забрануваа на истополовите парови и самохраните мажи да станат родители преку сурогат мајки во земјата, потврдувајќи ја одлуката на Врховниот суд за укинување на забраната, пренесува Ројтерс.

„Ова е историски ден за борбата на ЛГБТИ заедницата во Израел“, рече министерот за здравство Ницан Хоровиц на прес-конференција.

Според претходните прописи, израелските истополови парови кои сакале да станат родители не можеле да го сторат тоа со помош на сурогат мајки во Израел, туку морале да направат трошоци и да ги најдат во странство.

Во јули, Врховниот суд, со петиција од активисти за правата на хомосексуалците, пресуди дека забраната за сурогат мајчинство за истополови двојки и самохрани мажи ги крши нивните права и мора да биде укината во рок од шест месеци.

Ограничувањата важеа само за договорите за сурогат мајчинство во Израел, а некои од оние на кои им беше забрането да го продолжат процесот дома, отпатуваа во странство за да го сторат тоа.

Видео на денот