Средствата за постојните корисници за учебната, односно академска 2023-2024 година се исплатени. Новите корисници ќе бидат исплатени во текот на оваа недела, соопштија од Владата.

-Исплатата за новите корисници ќе се реализира во текот на неделата, со што сите средства кои им следуваат на сите категории ученици и студенти ќе им бидат целосно исплатени. Апелираме до сите засегнати субјекти да ги црпат информациите од надлежните институции кои располагаат со детални и точни информации, со цел навремено, прецизно и точно информирање на јавноста и секако на учениците и студентите, се вели во соопштението од владината прес-служба.

ФОТО: Црвен картон од студентите до Министерството за образование

И покрај исплатата на средствата од стипендиите, Универзитетското студентско собрание (УСС) на Универзитетот „Св. Кирил и Методиј“-Скопје не се откажа од денешниот протест пред Министерството за образование и наука.

Со црвени картони и транспаренти тие пред зградата на Министерството го изразија незадоволството од неправдата што им беше нанесена и порачаа дека сакаат промени и одговорност.

Во пресрет на најавениот студентски протест, Шаќири апелираше до студентите да не дозволат да бидат манипулирани од дезинформации и злонамерни повици и својата енергија да ја насочат кон подобри резултати на испитите во февруарската сесија.

Шаќири до студентите: Не протестирајте, енергијата насочете ја кон испитите