Италијанските власти како една од мерките за опоравување на економијата во земјата по пандемијата од Ковид – 19 и економската криза забранија затворање на работни места, а ваквата владина одлука се уште е во сила.

Меѓутоа, претседателот на индустријалците, Бономи, верува дека оваа мерка, што подолго остане во сила, толку поголема ќе биде штетата што ќе ја предизвика како за економијата така и за претпријатијата.

– Неопходна е брза реакција, немаме време за долгорочни студии, истакнува Бономи.

Тој додава и дека владате се уште премногу се двоуми, иако Италија се уште не влегла во „Фаза 2“, односно фазата на опоравување по пандемијата, и дека е неопходно да се забрзаат реформите кои ќе овозможат 209 милијарди помош што Италија треба да ги добие од ЕУ да се вложат на најдобар можен начин.