Хрватскиот државен инпекторат ја повлекува од пазарот мешаната салата „Бенита“ со потекло Македонија, која ја продава „Кауфланд Хрватска“, поради високо ниво на пестицидот хлорпирифос, соопштија надлежните служби во државата.

Како што е наведено во соопштението за медиумите објавено денеска, известувањето се однесува исклучиво на производот со следните информации: Мешана салата 670g/360g, GTIN 3858893130246, ЛОТ 1662025, најдобро да се употреби до 10 ноември 2027 година.

Производот не е во согласност со Регулативата на Комисијата (ЕЗ) за максимални нивоа на остатоци од пестициди во храната и добиточната храна од растително и животинско потекло и за измена на Директивата на Советот 91/414/ЕЕЗ, велат хрватските служби.