„Смртноста од рак на дебелото црево кај луѓе под 50 години не само што расте, туку сега е водечка причина за смрт од рак во таа возрасна група“, предупредува гастроентерологот Лејбелис Падиља за „Парада“.

Иако причината не е целосно разјаснета, лекарите нагласуваат дека важна улога играат начинот на животот и исхраната. Истражувањата покажуваат дека редовното консумирање одредени видови овошје може да помогне во намалувањето на ризикот.

Лубеница

Истражувањето покажало дека редовното јадење лубеница е поврзана со 26 отсто помал ризик од колоректален рак.

„Доматите често се сметаат за здрави поради ликопенот, моќен антиоксидант кој им ја дава црвената боја. Ликопенот се наоѓа и во лубеницата, а телото од неа може дури полесно да го апсорбира“, објаснува Падиља.

„Лубеницата е богата со антиоксиданти, вклучувајќи витамин Ц, кој помага во борбата против оксидативниот стрес. Високиот процент на вода придонесува за подобро работење на дигестивниот систем“, додава гастроентерологот д-р Нил Парик.

Јаболка

Редовното консумирање јаболка е поврзано со 25 отсто помал ризик од рак на дебелото црево. Доктор Џејмс Кокс, исто така гастроентеролог, објаснува дека причината лежи во влакната и флавоноидите, кои дејствуваат како антиоксиданти и ги намалуваат воспаленијата.

„Јаболката содржат растворливи влакна кои ги хранат здравите бактерии во цревата“, додава д-р Парих.

Киви

Јадењето киви е поврзано со 13 отсто помал ризик од колоректален рак.

„Кивито е богато со витамин Ц, влакна и ензими како актинидин, кои помагаат во одржувањето на здрав цревен микробиом“, рекол д-р Парих.

Едно истражување покажало дека јадењето две киви дневно може да го ублажи запекот, што е важно бидејќи, како што објаснува д-р Кокс, побрзото поминување на храната низ дигестивниот систем може да го намали ризикот од рак.

Цитруси

Цитрусните овошја како што се портокалите, лимоните и грејпфрутот се поврзани со девет отсто помал ризик од карцином на дебелото црево.

„Цитрусите се богати со витамин Ц и флавоноиди, кои имаат силни антиоксидантни и противвоспалитени својства и помагаат во зачувувањето на здравјето на цревната слузница“, вели д-р Парих.

Бобинки

Иако тоа не било особено истакнато во анализата, д-р Парих препорачува редовна консумирање бобинки.

„Бобинките се богати со влакна и полифеноли, кои се поврзани со намален ризик од рак на дебелото црево“, рекол тој.

Д-р Кокс нагласил дека разновидна исхрана е клучна, додека д-р Падиља заклучил дека „важно е да не се фокусираме само на одредени видови храна бидејќи разновидноста на исхраната е клучна за здравјето, особено за цревниот микробиом“.