Сопругата на поранешниот француски претседател Никола Саркози, Карла Бруни, насвојот инстаграм-профил објави дека ја завршила терапијата против рак на дојка, откако ја добила дијагнозата крајот на 2019 година, пренесува „Лапрес“.

 

View this post on Instagram

 

A post shared by Carla Bruni (@carlabruniofficial)

Во објавата таа прецизира дека ја завршила петгодишната хормонска терапија.

„Хирургија, радиотерапија, хормонска терапија – тоа е патот кој мораме да го поминеме за да го излечиме овој вид рак“, изјави Карла Бруни.

Во својата порака, таа се заблагодари на медицинскиот тим за „компетентноста“ и „хуманоста“ покажани за време на овие „испитувања“, и ги охрабри „жените кои ќе ја прочитаат оваа објава“ редовно да се прегледуваат „секоја година ако е можно“.

„И покрај доста агресивните несакани ефекти, благодарна сум на науката што ја измисли хормонската терапија: таа е ефикасна во заштита од рецидиви, кои се чести во годините по дијагнозата“, напиша Бруни.

Поранешната прва дама на Франција истакна дека ќе биде покрај својот сопруг Никола Саркози, кој е осуден на пет години затвор и од октомври ја издржува казната.

Карла важи за посветена сопруга, бидејќи најавила дека ќе го посетува секој ден, според биографката Бесма Лахори, која ја опишува како „исклучително одана сопруга“ подготвена да направи сè за поранешниот претседател што поскоро да биде на слобода.

„Подготвена е, ако е потребно, да помести и небо и земја“, додава Лахори.

Никола Саркози беше прогласен за виновен за криминален заговор за примање незаконски средства од Моамер Гадафи и осуден на пет години затвор.