Деми Мур повторно привлече внимание на црвениот тепих во Кан, овој пат со издание кое веднаш отвори дискусија околу новите правила на фестивалот. Канскиот филмски фестивал ги заостри правилата за голотија и долгите фустани, но актерката се појави на проекцијата на филмот „Животот на една жена“ во полупроѕирен фустан, со кој на најотмен начин ги тестираше границите на дозволеното.

Холивудската актерка изгледаше впечатливо во креација која не можеше да остане незабележана, а на проекцијата одржана во рамките на 79-от Кански филмски фестивал ѝ се придружи и Џилијан Андерсон.

Како што пишува „Ел“, Деми носеше фустан во боја на лаванда дизајниран од Демна за „Гучи“. Долгиот фустан кој се простираше на црвениот тепих беше со отворени рамена, имаше корсет, долги ракави и висок шлиц. Полупроѕирниот материјал го стави нејзиното издание на границата на новите правила на фестивалот.

Комбинацијата ја комплетираше со виолетови високи потпетици. Таа ја носеше долгата коса пуштена, во брановиден и влажен изглед, а сè го надополни со впечатливи висечки обетки.

Деми Мур: Филмската индустрија не може да се бори против растот на вештачката интелигенција