Деми Мур: Филмската индустрија не може да се бори против растот на вештачката интелигенција
Деми Мур смета дека нејзините колеги не можат да се противат на подемот на вештачката интелигенција, велејќи дека „борбата против неа е битка што ќе ја изгубиме“, пишува „Гардијан“.
Препорачано
Актерката, која е членка на жирито на филмскиот фестивал во Кан, на прес-конференцијата беше прашана како вештачката интелигенција влијае на индустријата и дали верува дека е потребна поголема регулација.
„Мислам дека противништвото раѓа противништво. Вештачката интелигенција е тука. И затоа, борбата против неа е битка што ќе ја изгубиме. Затоа, мислам дека наоѓањето начини на кои можеме да работиме со неа е подобриот пат што треба да се избере. Дали правиме доволно за да се заштитиме? Не го знам одговорот на тоа. И затоа, мојата склоност би била да кажам – веројатно не“, изјавила таа.
Мур, која последен пат беше во Кан со хорор филмот „Супстанцата“ (The Substance), рече дека има „прекрасни аспекти на можноста за користење“ на вештачката интелигенција, но таа никогаш не може да го замени човечкото искуство или допир.
„Вистината е дека навистина нема од што да се плашиме, бидејќи она што никогаш не може да се копира е она од што доаѓа вистинската уметност, што не е физичкото, туку доаѓа од душата. Тоа доаѓа од духот на секој од нас тука, секој од нас што создава секој ден. Тоа не може да се рекреира преку нешто што е технолошко“, вели таа.
Мур и другите членови на жирито, заедно со претседателот, режисерот Парк Чан-вук, беа прашани и за врската помеѓу киното и политиката.
„Не мислам дека политиката и уметноста треба да се делат. Чуден концепт е да се мисли дека се во конфликт едни со други. Само затоа што уметничкото дело има политичка изјава, тоа не треба да се смета за непријател на уметноста. Во исто време, само затоа што филмот не дава политичка изјава, тој филм не треба да се игнорира. Дури и ако треба да дадеме брилијантна политичка изјава, ако не е изразена доволно уметнички, тоа би била само пропаганда“, вели Парк.
На прашањето дали слободното зборување за политика може да ја оштети промоцијата на еден филм, Мур одговори дека „се надева дека не“.
„Дел од уметноста е изразување, па ако почнеме да се цензурираме себеси, тогаш ја затвораме суштината на нашата креативност, каде што можеме да откриеме вистина и одговори“, додава таа.
ФОТО | Отворен е 79. Кански фестивал — филмски и модни ѕвезди го преплавија црвениот тепих
