ФОТО | Отворен е 79. Кански фестивал — филмски и модни ѕвезди го преплавија црвениот тепих
Вечерва започна 79. Меѓународен филмски фестивал во Кан, каде што 22 филма се натпреваруваат за „Златната палма“, која ќе биде доделена на 23 мај.
Препорачано
Добитник на почесната „Златна палма“, која беше доделена на вечерашната церемонија, е новозеландскиот режисер Питер Џексон, најпознат по режијата, сценариото и продукцијата на светските хитови – епските трилогии „Господарот на прстените“ (2001-2003) и „Хобит“ (2012-2014).
Меѓу 22-та филма на фестивалот, годинава нема холивудски филмови, а има само еден американски режисер – Ајра Сакс.
Овогодинашното издание на фестивалот официјално започна со церемонија на отворање во Палатата на фестивалите, каде што фотографите ги пречекаа холивудските ѕвезди, режисерите и моделите од целиот свет. Кан уште еднаш го потврдува својот статус како најважен европски филмски настан, но и како неопходна модна сцена.
Покрај премиерата на филмот „Електричниот бакнеж“, вечерта беше обележана со елегантни кроеви, класичен гламур и серија впечатливи појавувања на црвениот тепих.
