Селекторот на македонската А репрезентација, Игор Ангеловски денеска го објави списокот на фудбалери за претстојните натпревари против Грузија (12. ноември, финале, плеј-оф за пласман на ЕП 2020), Естонија (15. ноември, Лига на нации) и Ерменија (18. ноември, Лига на нации).

Секако најважен, со најголемо значење во историјата на нашата селекција е оној на 12 ноември во Тбилиси против Грузија (18.00 часот) за пласман на наредното Европско првенство.

Без скоро никакви промени во составот, Ангеловски смета на истите стандардни репрезентативци, единствено е додаден уште еден голман. Поради црвениот картон Димитриевски ќе ги пропушти дуелите со Естонија и Ерменија во рамките од Лигата „Ц“, така што повикан е Мартин Богатинов од кипарскиот клуб Етникос Ахна, а на голманската позиција се уште Дамјан Шишковски и Даниел Божиновски.

Составот на Македонија за дуелите со Грузија, Естонија и Ерменија:

ГОЛМАНИ: Столе Димитриевски (Рајо Ваљекано, Шпанија), Мартин Богатинов (Етникос Ахна, Кипар), Дамјан Шишковски (Докса, Кипар), Даниел Божиновски (Силекс).

ОДБРАНА: Висар Муслиу (МОЛ Фехервар, Унгарија), Егзон Бејтулаи (Шкендија), Кире Ристевски (Ујпешт, Унгарија), Стефан Ристовски (Спортинг Лисабон, Португалија), Ѓоко Зајков (Шарлроа, Белгија), Езџан Алиоски (Лидс јунајтед, Англија).

СРЕДЕН РЕД: Енис Барди (Леванте, Шпанија), Аријан Адеми (Динамо Загреб, Хрватска), Бобан Николов (МОЛ Фехервар, Унгарија), Стефан Спировски (АЕК Ларнака, Кипар), Елиф Елмас (Наполи, Италија), Тихомир Костадинов (Ружомберок, Словачка).

НАПАД: Горан Пандев (Џенова, Италија), Иван Тричковски (АЕК Ларнака, Кипар), Илија Несторовски (Удинезе, Италија), Александар Трајковски (Мајорка, Шпанија), Крсте Велкоски (Сараево, Босна и Херцеговина), Влатко Стојановски (Шамбли, Франција).

Селектор: Игор Ангеловски

Грузија без Чакветадзе и Китеишвили во историското финале со Македонија!