ФИНА и ЛЕН поради бирократија не го менуваат Маленко! – Слободен печат
ОстанатoСпорт

ФИНА и ЛЕН поради бирократија не го менуваат Маленко!

Првиот човек на ПВК „Орион“, Карајованов најави дека ќе се известат ФИНА и ЛЕН поради немилиот „случај“ со пливачката Миа Блажевска Еминова

Во текот на вчерашниот ден веќе беше објавено дека Миа заедно со нејзиниот тренер Илија Стојановски се соочија со можност за дисквалификација и предвремено напуштање на Медитеранскиот КОМЕН Куп во Бургас.

Александар Маленко поради наводно непочитување на кодексот на однесување пропишан од Федерацијата побарал нивно дисквалификување. Од претходно веќе е познато дека нашата пливачка федерација има нов претседател.

Ексклузивно за „Слободен печат“ говореше претседателот на Пливачкиот и ватерполо клуб „Орион“ – Скопје, Јане Карајованов.

– Нормално дека ќе се известат ФИНА и ЛЕН. Ние како клуб ќе ги информираме сите релевантни институации тука во Македонија. А додека ФИНА и ЛЕН ќе бидат известени од страна на федерацијата. Денеска е последен ден за пријавување на пливачи за младинското Европско првенство во Казањ, каде што исто така треба да настапи и Миа. После тоа, имаме двајца пливачи од „Орион“ кои се дел од репрезентацијата за СП во Јужна Кореја. И сето тоа е сега под знак прашалник, бидејќи ФИНА и ЛЕН поради бирократија не го менуваат Маленко од нивниот сајт – ни изјави Карајованов.

За во вторник (25 јуни) е закажана прес конференција на Пливачката федерација во 11:00 часот каде што се очекува јавноста да биде уште подобро информирана околу ваквиот неочекува и шокантен настан.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close