Ферстапен најбрз пред домашните фанови во Зандворт
Актуелниот шампион, Макс Ферстапен победи на домашната патека Зандворт на трката за Големата награда на Холандија и направи нов исчекор кон освојувањето на нова титула.
Ферстапен победи пред возачот на Мерцедес, Џорџ Расел и Шарл Леклер од Ферари. Ова беше 10 победа за Холанѓанецот во 15 трка сезонава и ссе зацврсти на првото место во генералниот пласман со 310 бода, 109 повеќе од Леклер и Перес.
Ферстапен до новиот триум дојде благодарение на вистинските одлуки на неговиот тим. Возачот
Самиот старт на трката најави возбудлива трка на патеката Зандворт, Ферстапен успеа да ја одбрани лидерската позиција од Леклер, додека Карлос Саинс се судри со Луис Хамилтон, а нивниот контакт помина без проблеми и оштетувања на болидите.
Следното возбдување беше кога Ландо Норис го претекна Расел, додека Кевин Магнусен ја загуби контролата врз болидот и излета од патеката. Потоа Расел успеа да ја врати позицијата од Магнусен, додека Ферстапен на лидерската позиција ја зголемуваше предноста пред СаниЛеклер и возачите на Мерцедес.
Во тимот на Ферари повторно направија катастрофална грешка, овој пат ги заборавија пневматиците додека го повикаа Саинс да влезе во пит стоп.
До крајот на трката, Ферстапен успеа да го задржи првото место, Расел второто, додека одлуката на Хамилтон да остане на старите пневматици го чинеше губење на место на подиумот бидејќи беше претекнат од Леклер.
Следната трка во Формула 1 шампионатот ќе се вози наредниот викенд за Големата награда на Италија на легендарната патека „Монца“.