Палачинки и чоколадо, совршена комбинација за уживање… 

Нормално, можете да ги јадете и со мед, слатка павлака, овошје… со што и да посакате. Нема потреба да се грижите дали палачинките ви искочиле тенки, дали се кинат или пак ви лепат на тавчето, направете ги овие американски палачинки и уживајте во нив.

Состојки:

– 2 јајца
– 2,5 шолји брашно од 2,5 децилитри
– 1 кесичка прашок за печиво
– 2 шолјички млеко
– 1/3 шолја шеќер
– 1 прстофат сол
– масло или путер
– чоколаден намаз или било што по желба

Измешајте ги сите состојки со миксер, оставете ја добиената смеса 15 минути да отстои, па потоа започнете со печењето на американските палачинки. Бидејќи се помали во однос на нашите палачинки, можете да печете и по три наеднаш во едно тавче.

Пријатно!