Европската Унија одобри 180 милиони евра за финансиска помош за Албанија
Амбасадорот на Европската Унија (ЕУ) во Тирана, Луиџи Сореца во објава на Фејсбук сподели дека е е одобрена финансиска помош за Албанија од 180 милиони евра за борба против Ковид-19.
Сореца појасни дека средствата треба да придонесат и за зајакнување на јавните финансии, за зголемување на социјалната заштита и борба против корупцијата.
– Владата на Албанија ќе добие финансиска помош од 180 милиони евра од Европската Унија, како дел од поддршката во борбата против Ковид-19. Овие средства ќе треба придонесат и за зајакнување на јавните финансии, за зголемување на социјалната заштита и за борба против корупцијата, напиша Сореца на Фејсбук.
Во табелата што ја објави ТВ „Топ Ченл“, за Северна Македонија се одобрени 160 милиони евра, за Косово 100 милиони евра, за Црна Гора 60 милиони евра.