Димитров: Инцидентот во Охрид е брутален акт на омраза

Вчерашниот инцидент во Охрид кога беше нападнат клубот „Цар Борис Трети“ е брутален акт на омраза, вели шефот на бугарскиот тим во заедничката историска комисија, Ангел Димитров.

Пред почетокот на денешната средба на Комисијата во македонското МНР, Димитров пред медиумите изјави дека инцидентот не треба да се коментира и дека инцидентите влијаат на билатералните односи на двете држави, а не на работата на комисијата.

– Инцидентите влијаат на билатералните односи, но не и на работата на историската комисија. А синоќешниот инцидент не треба да се коментира. Тоа беше брутален акт на омраза – изјави Димитров, одговарајќи на новинарско прашање.

Тој не сакаше да говори за работата на комисијата, а единствено што кажа е дека немало напредок, а дали ќе има денеска, „ќе видиме“. На дневен ред, според него, ќе биде „она што било минатиот, предминатиот, предминатиот… пат“.

Видео на денот