Триесетгодишен државјанин на Србија го загуби животот денеска во морето кај плажата Могрен 2 во Будва, откако се капел на локација која претходно била затворена поради силни бранови и лоши временски услови, пишуваат црногорските медиуми.

Според информациите од полицијата, пријавата за капач на кој му е потребна помош во морето била примена околу 12:05 часот.

Полициски екипи и Итната медицинска помош веднаш излегле на терен, но лекарите констатирале смрт кај 31-годишниот српски државјанин.

Поради опасните услови на морето и високите бранови, надлежните служби претходно ги затвориле плажите Могрен 1 и Могрен 2, а била блокирана и пешачката патека која води од хотелот „Авала“ кон плажите. Властите сè уште утврдуваат како младиот човек се нашол во водата покрај истакнатите предупредувања и забраната.

Се удави човек во Охридско Езерo