Чизкејк со малини: Сите го обожаваат овој колач, а денес во него можете да уживате и Вие (ВИДЕО)
Од 5 до 85 години сите сакаат чизкејк. Освен што е неверојатно вкусен, овој колач исто така едноставно се подготвува.
Состојки:
– 300 гр мелени бисквити
– 80 гр стопен путер
– 2 лажици шеќер
– 1 кисела павлака
– 1 крем сирење
– 2 лажици прав шеќер
– кесичка желатин
– 300 мл слатка павлака
– 300 гр свежи малини
Подготовка: Подлогата ја правиме така што во бисквитите ќе го додадеме путерот и ќе ги соединиме и рамномерно ќе ги наредиме на дното од калапот. Оставете го потоа да се олади. Измиксирајте 300 мл слатка павлака, додадете кисела павлака, крем сирење и шеќер во прав и се добро измешајте. Таа смеса ставете ја преку подлогата, и рамномерно распоредете ја. Однесете ја повторно на ладење. Активирајте го желатинот, во сад за варење додадете три лажици вода и две лажици шеќер, па започнете со варењето. Додадете ги и малините и желатинот и направете компактна смеса. Прелијте преку претходно оладениот колач. Однесете го повторно на ладење, добро да се излади. Сервирајте и декорирајте по желба. Пријатно!
