Брз оброк за љубителите на пицата: Неодоливо вкусна пица салата (РЕЦЕПТ)

Љубителите на пицата ќе бидат воодушевени од овој превкусен поинаков начин на уживање во нивното омилено јадење.

Пица салатата се подготвува лесно и брзо, вкусна е, а може да се послужи како ручек, вечера, мезе за со пријателите и сл.

Предноста е што се служи ладна, па може да ја подготвите еден ден пред да ги дочекате гостите.

Потребно ви е:

300g макарони
1 зелена пиперка
1 црвена пиперка
10тина чери домати
10тина црни маслинки
200g свежи или маринирани шампињони
200g шунка или салама по желба
200g кашкавал или пармезан
200ml пица кечап
зачини по желба

Подготовка:

Макароните сварете ги и добро и исцедете ги.

Сите останати состојки, освен кашкавалот и кечапот, исечкајте ги на коцки и зачинете ги доколку сакате. Ставете ги во еден длабок пластичен сад, а потоа додајте ги и макароните.

Салатата ставете ја во фрижидер да се олади, па пред послужување додајте го кечапот и ренданиот кашкавал.

Уживајте, пријатно јадење!

Видео на денот