Британскиот таблоид „Дејли Меил“ кој е еден од најчитаните портали на светот, го прогласи првиот тенисер на АТП ранг листата, Новак Ѓоковиќ, за „ковидиот“ на годината.

Причината за тоа е организацијата на Адриа тур во време на пандемијата на коронавирусот, а на кој се заразија Григор Димитров, Борна Чориќ, Виктор Троицки и самиот Ѓоковиќ.

Чориќ и уште двајца тренери од „Адриа Тур“ имаат коронавирус

Освен тоа, „Дејли Меил“ како „голем грев на Ѓоковиќ“ му ја препишува и диксвалификацијата од УС Опен откако ненамерно ја погоди линиската судијка во вратот.

„Ѓоковиќ од останатите спортисти го одвои и тоа што го погоди линискиот судија со топчето во лицето па поради тоа беше и дисквалификуван од УС Опен. Сепак, тоа не е ниту најблиску негов најконтроверзен момент во годината. Србинот за време на пандемијата, во јуни го организираше Адрија тур и поради тоа е најголем ковидиот на годината. Не се почитуваа препораките за социјална дистанца на трибините, се појави видео на кое се гледа како тенисерите се забавуваат во ноќен клуб. Затоа не претставуваше изненадување што вториот турнир беше откажан поради појава на коронавирус кај тенисерите вклучувајќи го и Новак и неговата сопруга. За среќа сите заразени се опоравија, но Новак заслужи уште еден трофеј“, пишува „Дејли Меил“.

Покрај Ѓоковиќ, според англискиот медиуми конкуренти за непопуларната награда беа и фудбалерите Фил Фоден, Мејсон Гринвуд, Џек Грилиш, Кајл Вокер и Калум Хадсон Одои.

Французите едвај дочекаа, карикатура ЃоКовид-19 (ФОТО)