Анин: Сега Рафа и Федерер не би ни биле најголеми ривали на Ѓоковиќ
Жастин Анин е една од ретките која не е изненадена од одлуката на Рафаел Надал прерано да ја заврши сезоната 2021.
– Веќе после „Ролан Гарос“, беше јасно дека тој не е најспособен физички. Ова сега покренува многу прашања за неговата иднина. Овие момци стануваат сè постари. Можеме да видиме и што се случува со Рожер Федерер, станува сè потешко за него да се врати на терените – рече Анин.
На следниот Грен слем нема да биде Федерер, но поранешната тенисерка смета дека отсуството на Надал и Швајцарецот нема никаква врска со Новак Ѓоковиќ.
Таа смета дека двајца членови на големата тројка веќе некое време ја немаат формата на првиот светски рекет.
– Новак е свесен дека Рожер и Рафа не би биле негови најголеми ривали. Во овој случај, на Рафа ќе му биде тешко да стигне до врвна форма и да биде пречка за Новак, кој има голема самодоверба, и покрај поразот на Олимпијадата. Мислам дека ова не се менува многу за Ѓоковиќ, бидејќи знае дека ќе мора да победи други добри играчи и дека ќе мора да остане фокусиран на себе – вели Белгијката која во својата кариера има седум грен слем титули, двапати беше финалистка на „Вимблдон“.
Надал во моментов не може да се стреми кон трофејот, па затоа е добра одлука што одлучи да се одмори.
– Исто така, новата генерација станува сè подобра и Рафа мора да биде во најдобра форма доколку сака да се натпреварува. Кога доаѓа на Гренд Слем турнирите, доаѓа да ги освои, а во моментов тој не е способен да го стори тоа – вели Анин.
Бразилците сакаа да го измамат, Ѓоковиќ после девет години ја дочека правдата