Секторот за санитарна контрола при ЈП „Водовод и канализација“ – Скопје утрово соопшти дека скопјани пијат потполно технички и микробиолошки исправна вода.

Најновите лабораториски мерења кои биле реализирани изминатава недела на десетици мерни точки ширум главниот град потврдиле дека сите параметри се во рамките на дозволените граници.

Од јавното претпријатие ги објавија точните бројки за обемот на спроведените тестирања:

„Секторот за санитарна контрола во периодот од 20 до 24 јули зема 195 примероци за физичко-хемиска и 195 примероци за микробиолошка анализа на вода за пиење од 45 мерни места во Градот Скопје“, информираа од „Водовод“.

Оттаму редовно го објавуваат неделниот извештај за безбедноста на водата за пиење со цел целосна транспарентност пред јавноста.

Примероците беа земени од голем број локации во текот на работната недела, со цел да се направи детална проверка на физичко-хемискиот и микробиолошкиот состав.

Дали се проневерени швајцарските пари за водоводот во Гостивар?