ПРАШАЊЕ НА НЕДЕЛАТА | Над 75 отсто од анкетираните читатели не веруваат дека Владата во новиот состав ќе работи поефикасно
„Слободен печат“ минатата недела спроведе анкета меѓу своите читатели, кои одговараа на прашањето „Дали Владата во новиот состав ќе работи поефикасно?“.
Препорачано
Точно 76,32 отсто од анкетираните не сметаат дека реконструираната Влада ќе работи поефикасно, 21 проценти одговориле „да“, додека 2,69 отсто ја одбрале опцијата „не знам“.
При реконструкцијата на Владата за министер за правда е избран Јетон Шасивари од Вреди, за министер за земјоделство, шумарство и водостопанство Борче Серафимовски од Движењето ЗНАМ, за министер за односи меѓу заедниците Агон Ферати од Вреди, за министер за здравство Сашо Клековски од ВМРО-ДПМНЕ, за министер за култура и туризам Седат Сулејмани од Вреди, за министер за социјална политика, демографија и млади Ѓоко Велковски од ВМРО-ДПМНЕ, за министер за локална самоуправа Иван Стоилковиќ од Демократската партија на Србите и за министер без ресор Ерџан Демир од ВМРО-ДПМНЕ.
Гласајте на нашето ново прашање на неделата достапно на нашата веб-страница „Дали се сомневате во исправноста на водата за пиење?“.
