Алкараз е првиот Шпанец со триумф на мастерсот во Мајами

Карлос Алкараз стана третиот најмлад тенисер кој триумфирал на мастерс турнир/ фото: EPA-EFE/ERIK S. LESSER

Карлос Алкараз уште еднаш потврди дека е иднината на тенисот и вистински наследник на Рафаел Надал, освојувајќи ја титулата на мастерс турнирот во Мајами.

Алкараз во финалето го победи Каспер Руд со 7:5,6:4 и стана првиот шпански тенисер кој триумфирал на мастерсот во Мајами. Притоа 18-годишниот Алкараз стана и третиот најмлад победник на турнир од серијата мастерс по Мајкл Ченг и Рафаел Надал кои исто така имаа по 18 години кога славеа на мастерсите во Торонто 1990 година, односно Монте Карло во 2005 година.

 

– Рано е да почнам да опишувам како се чувствувам. Го освоив првиот мастерс во кариерата. Му честитам на Каспер кој оваа година дефинитивно може да направи големи рабори годинава – изјави Алкараз по победата.

На претходниот мастерс турнир во Индијан Велс, Алкараз стигна до полуфиналето, а годинава одигра 20 меча и оствари дури 18 победи. Единствените порази ги забележа од Матео Беретини со 3:2 во сетови на Австралија Опен и од Рафаел Надал со 2:1 во Индијан Велс.

Видео на денот