Пејачката Адел наводно одбила сума од дури 50 милиони долари вредни маркетинг договори кои и ги нуделе за да ја промовира диетата благодарение на која изгубила повеќе од 40 килограми.

Британскиот „The Sun“ пишува дека на пејачката ангажмани и нуделе и ТВ куќи, брендови и маркетинг компании со надеж дека таа ќе ги прифати нивните понуди и ќе ја промовира својата диета поради која има нова линија.

Адел, според пишувањето на странските медиуми, ги одбила сите по ред, а тврди и дека не сака да стане уште еден од клоновите од кланот Кардашијан-Џенер и брзо да заработи пари, туку сака да се фокусира на својот нов албум.

Пејачката килограмите ги изгубила благодарение на посебната диета и режимот под кој била, а докторката Доминик Фрадин Ред, која соработувала со поп ѕвездата, тврди дека тајната за слабеењето се крие во расположението и во менталното здравје. Освен тоа, Адел се заколнала пред себе си на војниот режим на функционирање, а тоа го потврди и нејзиниот личен тренер Пит Герасимо.

„Престана да пуши, внимаваше што јаде, се ослободи од слатките и престана да јаде обработена храна. Ја избра здравата храна и редовно тренираше, многу напорно“, изјави Герасимо.