Германскиот тенисер Александер Зверев денеска се пласираше во второто коло на грен слем турнирот Ролан Гарос откако со 3:0 во сетови го совлада Французинот Бенжамен Бонзи со 6:3, 6:4 и 6:2.

Видовме сериозна борба само во вториот сет. Тогаш Бонзи успеа да направи брејк на сервисот на Зверев, односно да се врати во сетот кога го израмни резултатот на 4:4.

Сепак, Германецот не дозволи изненадување, па ги освои следните два гема за зголемување на предноста во сетови и си го отвори патот до победата.

Неговиот следен ривал ќе биде Томас Махач од Чешка, кој го победи Зизу Бергс од Белгија со 6:4, 6:4, 6:3.

Во женска конкуренција, Украинката Марта Костјук со 2:0 во сетови 6:2 и 6:3 триумфираше над Оксана Селехметева која е родена во Русија, но изминатиот период одлучи да настапува за Шпанија.

Костјук во следната фаза ќе игра против Американката Кејти Волинец која со 6:3 и 6:1 ја совлада Клара Бурел од Франција.

Ролан Гарос
1 коло, резултати:

Мажи:

Дакворт – Диало (пред.) 6:3, 4:1
Кецмановиќ – Марошан 7:6 (0), 6:3, 6:4
Ламас Руиз – Тиранте 3:6, 6:7 (6), 7:5, 0:6
Давидович Фокина – Џумхур 6:7 (3), 6:3, 2:6, 7:5, 6:3
Хачанов – Геа 6:3, 7:6 (3), 6:0
Жаке – Трунгелити 4:6, 2:6, 2:6
Дроге – Менсик 3:6, 2:6, 4:6

Жени:

Томљановиќ – МекНели 6:3, 6:7 (5), 3:6
Бронѕети – Бузкова 3:6, 1:6
Тагер – Ванг Ксинју 3:6, 6:3, 4:6
Краус – Бенчиќ 2:6, 3:6
Блинкова – Стародубцева 3:6, 1:6
Ковиниќ – Ванг Ксију 3:6, 1:6
Валентова – Линет 7:5, 4:6, 6:7 (9)
Баптист – Крејчикова 6:7 (7), 7:6 (6), 6:2