Здрава храна: Зошто треба почесто да јадете фава грав

Фото: Профимедиа

Фава гравот познат како боб е кралот меѓу останатите видови грав, а неговиот вкус е многу посладок и побогат. Со оглед дека популарноста на бобот во последно време расте, една од причините зошто не е редовен производ во кујните на многумина е дека тешко се лупи. Затоа ви откриваме неколку корисни совети како да си ја олесните работата.

Боб гравот кога е во мешунка изгледа како крупен сладок грашок, а треба да се избегнуваат мешунки кои се испакнати, бидејќи тие се стари плодови и имаат горчлив вкус. Освен тоа бобот се лупи два пати, што значи за подготовка на оброк ќе треба да купите количински многу повеќе отколку што планиравте. Имено отприлика 450 г нелупен боб, по лупење ќе даде околу една третина чаша зрна.

Разни комбинации

Фото: Профимедиа

Бобот во медитеранската исхрана традиционално се користи во подготовката на јадења поради одличниот нутритевен состав и единствен вкус. Билката на боб гравот е висока меѓу половина до 1,7 метар и има долги зелени листови и бели цветови. На 100 г боб има 88 калории, што е нешто повеќе од просекот кога станува збор за зелнчук. Од тоа 17,6 отсто се јаглехидрати а 0,7 отсто масти. Бобот во себе има бројни хранливи состојки кои благотворно делуваат на организмот. Одлично се комбинира со разни салати, но и тестенини и њоки, а најдобар е со шпаргли и рукола. Имено дневната порција боб ги задоволува дневните потреби на организмот за влакна, а телото го обезбедува со железо, магнезиум, манган, фосфор и тијамин. Кога станува збор за боб грав, нема страв од холестерол ни од заситени масни киселини, бидејќи ги содржи во многу мали вредности, а во комбинација со житарки, јаткаст плодови или семки е одличен извор на растителни протеини.

Бобот може да се купи свеж, сушен, замрзнат или конзервиран. По купувањето свеж боб не треба долго да го чувате туку да го зготвите и изедете додека е свеж. Мешунките на бобот треба да имаат свежа изразито зелена боја, да се крцкави и лесно да пукаат кога ќе ги превиткате на пола. Никако не смеат да се овенати или меки, а секако треба да го избегнувате бобот чии мешунки имаат црни дамки и знаци на сушење или мувла.

Како се лупи

Фото: Профимедиа

Прво гравот извадете го од мешунките, така што прстот ќе го вовлечете по работ на мешунката која ќе се отвори и ќе ви овозможи да ги извадите зрната, баш како да вадите грашок. Во една мешунка обично има 4-5 плодови.

Ќе забележите како бобот има дебел бел слој, кој исто така треба да го излупите. Некои тврдат дека тој слој не треба да се лупи и дека може така да го сварите, други сметаат дека лупењето на тој бел слој му дава на бобот посебен и подобар вкус. Како и да е, вообичаено е дебелиот бел слој да се излупи.

За негово отстранување постојат две методи. Првиот е со ноже да направите мал рез по работ на зрното, па да го извадите од обвивката. Вториот метод е да го ставите гравот во врела посолена вода триесеттина секунди. По пола минута извадете го од вода и полејте го со мраз студена вода за да го запрете процесот на варење. Овој метод ја омекнува обвивката и ќе овозможи полесно и поедноставно да ја отстраните.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот