Возачите на Формула 1 направија штета на болидите од 39 милиони евра
Формула 1 болидите се најновото чудо на технологијата и секој дел е екстремно скап, па тимските шефови со право се фаќаат за глава кога некој од нивните возачи ќе направи некаква штета на своите болиди.
Во сезоната зад нас, секој од 20-те возачи на некој начин го оштети болидот, а тимовите мораа да направат нови делови кои се исклучително скапи.
За поправки на болидите се потрошени точно 38.871.000 евра. За споредба, цената на еден цел болид е 10,5 милиони евра.
Естебан Окон најмалку го чинеше својот тим. Поправките на неговиот Алпин чинат „само“ 280.000 евра.
Покрај него, помалку од милион евра штета направија уште пет возачи, а најмногу пари од џебот на својот тим извади Мик Шумахер. Поправките на неговиот Хаас чинат дури 4.212.500 евра.
На второ место е Шарл Леклер од Ферари (4.046.000 евра), а изненадувачки на третото место е шампионот Макс Ферстапен, чии поправки на болидите го чинат Ред Бул 3.889.000 евра.
Оштетување на болидите на возачите во Формула 1 во 2021 година:
Естебан Окон 280.000 евра
Фернандо Алонсо 315.000 евра
Себастијан Фетел 660.000 евра
Даниел Рикиардо 713.000 евра
Антонио Џовинаци 854.000 евра
Серхио Перез 939.000 евра
Пјер Гасли 1.113.000 евра
Луис Хамилтон 1.255.000 евра
Ландо Норис 1.453.000 евра
Карлос Саинц 1.756.000 евра
Џорџ Расел 1.845.000 евра
Кими Раиконен 1.950.000 евра
Никита Мазепин 2.468.000 евра
Јуки Цунода 2.606.500 евра
Ленс Строл 2.686.000 евра
Валтери Ботас 2.713.500 евра
Никола Латифи 3.116.500 евра
Макс Ферстапен 3.889.000 евра
Шарл Леклер 4.046.000 евра
Мик Шумахер 4.212.500 евра
„Виновникот“ за хаосот во Формула 1, Николас Латифи добивал смртни закани