Волкановски е новиот светски шампион во УФЦ! (ВИДЕО)
Александар „The Great“ Волкановски (31) е новиот шампион во перолесна категорија, откако на УФЦ 245 го совлада веројатно еден од најголемите во ова натпреварување, Макс Холовеј.
Борецот кој ги брани боите на Австралија, неговиот татко е роден во Беранци (во околината на градот Битола), одлично го контролираше мечот во Лас Вегас и од самиот почеток тргна со незгодни удари во нозете, што можеби и беше клучно за поразот на Американецот.
Холовеј, инаку познат како борец кој како што борбата оди постепено, само што почнува да се загрева, во овој меч беше непрепознатлив, но тоа секако е и дело на одличниот Волкановски, кој на секој обид на Холовеј возвраќаше уште посилно.
"We've had great champions in this division, I promise to be a great champion too!"
"Australia, I'm bringing it home baby!" ?
He did it! Alex Volkanovski with a supreme performance at #UFC245!#ANDNEW! pic.twitter.com/5sVMpkXyWI
— UFC on BT Sport (@btsportufc) December 15, 2019
Судиите за овој настап го наградија со едногласна одлука (48:47, 48:47, 50:45). Сега во кариерата има осум победи од осум борби, а Холовеј го претрпе петтиот пораз.
– Ова беше мојата цел. Во перолесна категорија сме имале големи шампиони како Жозе Алдо, Макс Холовеј. Сега сум и јас тука и ветувам дека ќе бидам одличен првак. Мојата почит за Макс. Беше голем шампион – рече Волкановски.