Македонските пингпонгари доминираа на меѓународниот турнир во Крагуевац, Србија, каде пехар освои Пингпонгарскиот клуб 1060 АС Ѓорче Петров.

Како што информираат од клубот, Андреј Стојановски со злато повторно е на тронот, се закити со титулата шампион во категоријата У19.

– Гордост на клубот и општината Ѓорче Петров. Честитки Андреј, браво за борбеноста и играта до крај без откажување, успехот е твој. Честитки и за клубот кој е секогаш со нас пред се како пријателство кое нема граници и како голема поддршка и во добро и во зло, со секој пораз и со секоја победа. Ппк Зегин Берово искрени и најголеми честитки до златните деца и едниот и единствен тренер Јован Ване Ковачовски – стои во објавата на ППК 1060 АС Ѓорче Петров.

ППК Зегин Берово, амбасадори на Малешевијата и вистински промотори на македонскиот пинг понг, соопшти дека се освоени пет пехари и заеднички славеа со Стојановски на турнирот со своите знамиња, на Зегин Берово и клубот од Ѓорче Петров.