Најдобрите македонски тенисери успеаја во третото коло од Третата европска група да остварат победа над Грузија со 2:0 и на тој начин да го освојат второто место во групата и во сабота во дуел со Црна Гора ќе се борат за промоција (враќање) во Втората светска група од Дејвис купот.

Лошото време и дождот направи многу проблеми на организаторите, па не беше реализирана целата програма – мечот во двојки не се одигра, откако нашите тенисери ги добија сингл мечевите.

Во првиот меч Калин Ивановски го совлада Александре Бакши со 2:0 во сетови (7:5, 6:2), за потоа Олег Приходко со пресврт да стигне до победа во мечот со Саба Пурцаладзе со 6: 7 (4), 6:1, 6:3). Од причина што имаше долг прекин поради дождот и победникот беше решен, мечот во двојки не се одигра.

Резултати на мечевите од третото коло: Македонија – Грузија 2:0, Молдавија – Косово 3:0 (Б група); Летонија – Република Ирска 2:0, Црна Гора – Азербејџан 2:0.

Табела А група: Летонија 3/0 (победи-порази), Црна Гора 2/1, Република Ирска 1/2, Азербејџан 0/3.

Табела Б група: Молдавија 3/0, Македонија 2/1, Грузија 1/2, Косово 0/3.