Македонскиот репрезентативен голман Мартин Томовски доби големо признание во Германија, откако беше прогласен за најкорисен играч (МВП) во Втората Бундеслига за сезоната 2025/26.

Чуварот на мрежата на Битигхајм зад себе има извонредна сезона, во која беше еден од најзаслужните за успешниот поход на клубот кон враќање во германската ракометна елита. Томовски во Виртемберг пристигна пред почетокот на сезоната од редовите на Потсдам, а веднаш се наметна како еден од лидерите на тимот.

Со низа одлични партии, значаен број интервенции и високо ниво на конзистентност во текот на целата сезона, македонскиот голман се издвои како клучна фигура во составот на Битигхајм. Неговото искуство и сигурност меѓу стативите имаа големо влијание врз резултатите на екипата, која успеа да обезбеди промоција во најсилното германско ракометно натпреварување.

Признанието за најкорисен играч е уште една потврда за одличната форма на Томовски и неговиот растечки углед на германската ракометна сцена.

Томовски во идеалниот тим на сезоната на втората Бундеслига

Познати се датумите кога Македонија ќе игра на Мундијалот