Заштитениот предел Вјоса-Нарта во Албанија, каде што е местото Зврнец, и островот Сазан се едни од најважните природни живеалишта и подрачја за размножување илјадници заштитени фламинга, морски желки и ретки средоземни фоки.

Зврнец е директно поврзан со делтата на реката Вјоса, која е прогласена за прв Национален парк за диви реки во цела Европа. Кушнер и Трамп буквално планираат да градат хотели таму, а граѓаните – збеснаа.

Токму поради таа причина, деновиве во центарот на Тирана се случува бран од масовни граѓански протести, познати како „Фламинго револуција“.

Протестот веќе не е локализиран само во Албанија. Албанската емиграција (дијаспората) во САД и низ Европа започна да организира поддршка и протести пред албанските амбасади, со цел да се изврши меѓународен притисок врз фирмата на Кушнер, „Affinity Partners“.

Албанците велат дека веќе ги жртвувале Саранда, Драч и Влора за масовниот и неконтролиран туризам, па брегот е претворен во шума од бетонски згради. Зврнец беше нивното последно природно прибежиште…

Протестите продолжуваат, а демонстрантите најавуваат дека нема да се повлечат од улиците сѐ додека проектот не биде целосно суспендиран, а Еди Рама не поднесе оставка.