Патнички авион на „Туркиш ерлајнс“ удрил во радарска пункт додека маневрирал на аеродромот во Анталија, по што сите патници и членови на екипажот биле безбедно евакуирани, пренесува Кликс.

Инцидентот се случил во четврток околу 19:30 часот по локално време, откако авионот од Истанбул слетал во Анталија.

Според информациите објавени од Канцеларијата на гувернерот на Анталија, авионот удрил во радарската пункт од десната страна за време на паркирањето од причини кои сè уште не се утврдени.

Екипи за итни случаи, пожарникари и аеродромски служби веднаш биле испратени на местото на настанот.

Во авионот имало 267 патници, кои биле безбедно евакуирани по несреќата. Еден патник се здобил со полесни повреди и е однесен во болница на преглед. Во инцидентот немало сериозни повреди, но авионот и радарската кула во која удрил авионот претрпеле материјална штета.

Надлежните институции започнале истрага за да ги утврдат околностите што довеле до несреќата. Точната причина ќе се знае по техничките прегледи и анализата на собраните податоци.

Турските власти објавија дека инцидентот не влијаел на редовниот тек на воздушниот сообраќај на овој аеродром и дека операциите продолжиле без поголеми прекини.

Јапонска градоначалничка испиша историја — таа е првата функционерка што отишла на породилно