Се чини дека постои „теорија“ за сè на Тикток, но ако можете да ја надминете оваа досадна тенденција да го етикетирате секој месец како еден вид тренд, можеби всушност ќе најдете утеха и возбуда во неа.

А, „Теоријата за јуни“ е особено врвниот летен менталитет за привлекување љубов и романса, пишува „Вајс“.

Што е „Теоријата за јуни“?

Тое е во суштина феномен на социјалните медиуми кој тврди дека месецот јуни носи повеќе романтични можности и благослови.

– Иако не постои вистинска наука зад теоријата дека јуни има вистински ефект врз веројатноста за успешно запознавање, постојат многу реални и опипливи сезонски фактори кои можат да го зголемат чувството на леснотија и можност поврзани со воспоставување врски со други поединци – рекла д-р Александра Фоља,  директорка на семејни програми во „Ол ин солушнс“.

– Во текот на летото, луѓето поминуваат повеќе време надвор, присуствуваат на повеќе социјални настани и собири и патуваат почесто. Луѓето имаат повеќе можности да се сретнат со други и да се поврзат поради овие причини – додала таа.

Таа вели дека лично чувствув многу повеќе заинтересирана за социјални излегувања и доцни ноќи во центарот на градот во текот на потоплите летни месеци отколку во текот на зимата.

И додека „Теоријата за јуни“ можеби е измислен концепт од група тиктокери, дозата на надеж може да ви даде поттик ако дозволите.

– Вредноста на „Теоријата за јуни“ е во нејзиниот потенцијал да ги охрабри луѓето да бидат поактивни. Кога луѓето веруваат дека одредена сезона или време од годината нуди повеќе можности, тогаш тие обично се многу поотворени и спремни да се вклучат во повеќе дружби. Психологијата нè учи дека нашите очекувања можат да влијаат на тоа како се однесуваме, а кога сме спремни да преземеме ризици, тоа обезбедува основа за создавање нови социјални искуства и врски – рекла таа.

Како да ја искористите „Теоријата за јуни“?

Ако барате љубов или дури и само забава под сонцето, ова лето размислете да ја искористите „Теоријата за јуни“ така што ќе се истакнете себеси.

– Препорачувам да го третирате тоа како шанса почесто да кажете „да“. Одете на скара овој викенд, пријавете се во летен спортски тим, одете да слушате музика во живо или конечно земете ја таа личност за која не можете да престанете да мислите на состанок. Овој вид на повторено изложување и споделено искуство е начинот на кој се развиваат повеќето врски- предлага Фоља.

Сепак, не задоволувајте се само со динамика на површинско ниво (освен ако, се разбира, тоа не е она што го барате). Обидете се да изградите позначајни и автентични врски и видете каде тие би можеле да ве одведат, дури и ако не влегувате во нив со намера да изградите романтична врска.

Всушност, колку повеќе пријателства стекнувате, толку повеќе луѓе запознавате и толку повеќе можности имате да пронајдете љубов.

– Како што расте вашиот круг на познаници, така расте и бројот на можности што ќе ги имате за развивање врски. Многу луѓе ја припишуваат среќата на тоа што ја виделе вистинската личност во вистинско време, но всушност, зголемената видливост и учество од страна на поединецот обично ја генерираат перцепираната среќа – објаснила Фоља.

– Едно од моите омилени гледни точки и е дека јуни не произведува автоматски поголема шанса да ја сретнете личноста во која на крајот ќе се заљубите. Наместо тоа, јуни можеби е месец што ги охрабрува луѓето да ја напуштат куќата, да ја истражат својата љубопитност за другите и да го доживеат животот во целост. Без оглед на годишното време, овие однесувања секогаш се корисни за формирање врски –  заклучила таа.