ВИДЕО | Весна од Босна произведува најскапи пиперки во светот, килограм чини 20.000 долари
Во мало село на северот од Босна и Херцеговина растат десетици необични видови зеленчук, зачински билки и овошје, меѓу кои се издвојува посебна сорта пиперки, која се смета за најскапа во светот.
Препорачано
-
1
-
2
-
3
Весна Бошњак од Усор за себе вели дека е, пред сè, колекционерка, а дури потоа земјоделец. На нејзиниот имот можат да се најдат десетици ретки и необични растителни видови, вклучувајќи ја и аји чарапита, перуанска дива пиперка која се смета за една од најскапите во светот.
„Во моментот ги отстранувам капачињата од најскапата пиперка во светот – аји чарапита, дива перуанска пиперка со мали жолти плодови. Еве, оваа веќе има плодови“, вели Весна Бошњак за БХТ.
Посебната сорта пиперки се продава за неверојатна сума
Оваа јужноамериканска сорта на светскиот пазар достигнува екстремно високи цени.
„На американскиот пазар, еден килограм сушена чарапита чини околу 20.000 долари. Се користи исклучиво за декоративни цели. Секако дека е јадлива, но во елитните ресторани најчесто се користи за украсување на јадења. За жал, немам пазар за неа по таа цена, за што многу ми е жал. Инаку, не би одгледувала ниту малини ниту боровинки“, вели Весна.
Повеќе од 230 видови домати и десетици видови пиперки
Во нејзините оранжерии се наоѓаат и бројни сорти домати кои не се вообичаени во Босна и Херцеговина.
Мароканска нане, мечкина шепа, џиновско срце од вол и тајната на Бабушка се само некои од растенијата што ги одгледува на својот имот. Сè што произведува, Весна и го обработува.
Колку различни култури одгледува, тешко ѝ е и самата прецизно да каже.
„Не знам, не би можела баш сè да избројам. Имам 70 до 80 видови пиперки, домат веројатно повеќе од 230, веќе дури и не ги бројам. Сакам егзотични сорти, од зачински билки до зеленчук и овошје“, наведува Весна.
Нејзиното домаќинство се наоѓа во населбата Омањска во Усор, од каде што многу млади луѓе заминале во странство во потрага по работа. Токму поради недостатокот на работна сила Весна не планира да го прошири производството.
Стар италијански рецепт за полнети пиперки — пилешкото и тајната состојка ги прават вкусни
